Neste trimestre, dentro do proxecto Cre-Arte que estamos desenvolvendo este curso, realizamos moitas actividades relacionadas coa escultura.
Para rematar visitamos as salas do museo que cada aula preparou e gozamos coas explicacións dos nosos compañeiros e compañeiras. Nós tamén tivemos que realizalas!
Aquí podedes ver un pouco de todo o que fixemos.
Vídeo resumo da actividade
TEI: ENQUISA E ACTIVIDADE DE COHESIÓN
Hoxe fixemos a enquisa sobre o programa TEI cos nosos titores de 5º. Fomos a súa clase e axudáronnos no que precisamos.
Despois sacamos as colchonetas ao patio e fixemos unha actividade de cohesión "Acrosport" na que fixemos diferentes letras e tamén figuras co noso corpo. Foi moi divertido e pasámolo xenial!
TEI : A TÚA PRIMEIRA VEZ
Esta actividade do programa TEI traballa a importancia de que o alumnado sexa consciente de que o acceso ás novas tecnoloxías e dispositivos prodúcese desde idades moi temperás. É importante facerlles ver a necesidade de que coñezan os beneficios e tamén os riscos e perigos que se poden atopar en internet, os cales medran se non hai unha supervisión ou formación axeitada.
Durante este trimestre traballamos os distintos tipos de ecosistemas. Aquí tedes unha mostra das maquetas que realizamos en pequenos grupos.
Fai clic na imaxe para ver os nosos traballos
TEI. UNHA ROLDA DE PRENSA INESPERADA
Esta semana fixemos unha actividade de titoría dentro do programaTEI (titoría entre iguais) co nome"Unha rolda de prensa inesperada" para tratar o ciberacoso. Partindo dun vídeo onde unha serie de persoas adultas fan saber aos nenos todo o que coñecen sobre eles, o alumnado reflexionará sobre aquilo que queren compartir e as emocións que queren que vaian ligadas a esas publicacións. Despois fixemos un pequeno mural sobre "AS MIÑAS EMOCIÓNS CANDO COMPARTO" e como me sinto cando o fago. Unha actividade moi interesante.
