FESTA DE MAGOSTO E SAMAÍN

Hoxe tivemos un día de festa no que houbo castañas, cabazas, disfraces e xogos, tamén compartidos cos nosos titores e titoras de 5º de EP.

PASÁMOLO XENIAL! 

Clicade na imaxe para ver algunhas fotos da xornada

E tamén podedes ver máis fotos e vídeos na web do colexio.

PRESENTACIÓN TITORES E TITORIZADOS PROGRAMA TEI

 Hoxe foi un día moi emocionante porque por fin coñecemos aos nosos titores e titoras de 5º de EP. 

Tivemos que buscalos emparellando as nosas pegatinas de Samaín que tiñamos nas costas, pero era un xogo en silencio, polo que foi un pouco máis difícil. Aínda así, conseguímolo axiña!

Despois coñecémonos un pouco máis compartindo os nosos gustos, aficións, cualidades e ata os nosos medos.

Moitas grazas, titores e titoras! Seguro que nos axudades moito...

Pinchade na imaxe para ver as fotos

CABAZAS DE SAMAÍN

FELIZ ANIVERSARIO!

 

NOVAS LECTURAS

 Estes días continuamos compartindo as nosas lecturas favoritas. 

Moitos parabéns para Lucía, Nico, Eire e Teo!

EMOCIÓNS EN PERIGO. FOTOGRAFÍAS DE TIM FLACH

 Hoxe realizamos unha visita- obradoiro chamada Emerxencia planetaria, rapazada ao rescate, na sede de Afundación da Coruña. 

 Primeiro asistimos á exposición Emocións en perigo, na que puidemos ver as fotos de Tim Flach, unha selección de retratos de animais en perigo de extinción realizadas co obxectivo de fomentar a empatía cos retratados. Imaxes impactantes que nos encantaron e que espertaron a nosas emocións. 

 Coñecemos a varios animais que se atopan en perigo por diferentes causas e buscamos, da man da tartaruga CURA CURA, algunhas solucións que poderían salvalos. 

E despois realizamos un obradoiro STEAM de arte, robótica e natureza, no que fixemos maxia...porque utilizando o programa SCRATCH puidemos escoitar o axolote, un peixe moi especial do que aprendemos moito. 

Pinchade na imaxe para ver  fotos e vídeos da xornada

 

PRESENTACIÓN PROGRAMA TEI

 Hoxe visitounos Lucía, a orientadora do centro, para presentarnos o PROGRAMA TEI, que se basea na titorización emocional entre iguais,  co obxectivo da prevención do acoso escolar. O respecto, a empatía e o compromiso son alicerces do seu desenvolvemento. 

 Os nenos e nenas de 3º de EP seremos titorizados polo alumnado de 5º de EP. 

 Xa estamos desexando coñecer aos nosos titores e titoras!

 

FELIZ ANIVERSARIO!

 

CONTO SAWABONA

 Hoxe baixamos á biblioteca a ver o conto SAWABONA que nos preparou Lecturitas, para a presentación do noso proxecto Sadabona, que, como sabedes, levaremos a cabo este curso sobre interculturalidade.

 

Encantounos a historia e a mensaxe tan bonita que nos trouxo Themba, tanto que xa comezamos a practicar Sawabona.

Pinchade na imaxe para ver as fotos

 E non vos esquezades que temos unha misión importante para este 1º trimestre

XOGAMOS A PROGRAMAR

Para irnos familiarizando coa robótica, hoxe practicamos na clase con estes xogos educativos cos que fomentamos o traballo en equipo, a creatividade e o pensamento lóxico-matemático. 

Pinchade na imaxe para ver algunhas fotos

UNHA SORPRESA NA CLASE

 Hoxe tivemos unha sorpresa na clase que chegou de parte de Lecturitas.

 Despois de darnos as grazas por descubrir os lugares que visitou na súa viaxe, deixounos unha maleta co noso pasaporte e unhas chapas de Sadabona, que é o nome do proxecto deste ano de interculturalidade.

 

 O venres acudiremos á biblioteca para coñecer máis cousas sobre este proxecto e descubrir  o porqué dese nome. Xa estamos desexando ir!

E hoxe tamén puidemos repasar Ciencias da Natureza cun kahoot que nos gustou moito. Fixéstelo xenial!

 

LECTURAS

 Como nos gusta tanto ler e compartir cos nosos compañeiros e compañeiras algúns contos ou libros, xa comezamos a facelo nas horas de lectura. Mateo, Dafne, Lana, Leire e María, parabéns!

E tamén  temos xa na clase a caixa de libros que nos trouxeron da biblioteca para este trimestre. Moitas grazas, Lecturitas!

FELIZ ANIVERSARIO!

 

INVESTIGAMOS???

Despois da visita de onte de Lucía, tivemos que poñernos en marcha e comezar a nosa investigación para axudar a Lecturitas. 

O primeiro foi ir á biblioteca e atopar as pistas que nos deixou na súa maleta.

 Son cinco pegatinas que corresponden aos lugares que visitou. 

   Sabedes xa cales son?