SAMAÍN

 Cun gran soriso e con moita emoción celebramos o samaín en 3º. Foi unha xornada moi intensa na que xogamos, rimos, démonos sustos e....tamén traballamos.

Como artistas responsables coa noso museo de arte no cole, nas primeiras horas da mañá estivemos traballando en dous proxectos que vos van encantar. O primeiro, realizámolo cos nosos tutores e tutoras de 5ºEP e consistiu en facer uns cadros ao estilo de Archimboldo, e o segundo proxecto adicámolo a decorar unhas calaveiras coas nosas pegadas, porque como dicía Kandinsky, " todo comeza cunha pegada".

Deixamos abaixo as fotos da xornada para que poidades compartir con nós tantas emocións.

CONTACONTOS DE HALLOWEEN NA BIBLIOTECA.

 Hoxe, os nenos e nenas de 4º EP fixeron de contacontos para os seus compañeiros e compañeiras de 3ºEP. Gustounos moito a experiencia e pronto queremos repetir!

Moitas grazas compañeiros e compañeiras de 4º.

MONSTRO DE CORES. ACTIVIDADE TEI.

Hoxe, como parte do programa TEI, fixemos un traballo sobre a identificación das nosas emocións básicas e como podemos afrontalas cando xurdan. Foi moi divertido coñecer como cada un e unha de nós sentimos as emocións de diferentes formas, pero todas elas moi importantes.

PRESENTACIÓN DE LUCÍA, A NOSA ORIENTADORA.

 Como todos os anos, Lucía, a nosa orientadora veu a presentarse e a contarnos unha historia especial para facernos pensar sobre a importancia de ser nós mesmos. Tamén para darnos algún que outro consello que nos virá de moi neste  curso escolar. 

Explicounos a importancia de saber como nos sentimos e que se algunha vez precisamos falar con ela, sempre sempre está á nosa disposición.

Este curso todas e todos imos desplegar as nosas ás!

Se clicas na foto poderás ver as fotos da visita de Lucía.

A MOCHILA VIAXEIRA DE ROI

 Esta fin de semana pasada Roi levou a mochila viaxeira e puido compartir coa súa familia moitas aventuras e tamén conversas moi interesantes. Roi, ademáis, agasállanos cun debuxo do conto que máis lle gustou.

            

PRESENTACIÓN TITORES/ TITORIZADOS TEI.

Con moita emoción por parte do alumnado, este venres pasado arrancou o programa TEI coa presentación dos titores e titoras de 5º aos seus titorizados e titorizadas  de 3º. O alumnado de 5º foi recoller aos seus titorizados á biblioteca e dspois fixeron unha actividade conxunta para coñecerse un pouco e saber as cousas que teñen en común.Foi emocionante e divertido!

Se clicas na imaxe poderás ver o vídeo dese momento especial.

Aniversario de Oscar.

 Parabéns Oscar polo teu aniversario

🎉🎉🎉🎉

Creando coma Picasso

A presentación do proxecto de arte comenzou coa bolboreta de Picasso, que ao principio nos parecía un pouco extrana, pero nós fixemos que a bolboreta fose especial. Contáronnos que a bolboreta identificábase coa transformación e a beleza, así que nós, os de terceiro, quixemos facer a nosa propia versión da bolboreta e que representa as nosas fortalezas ou virtudes individuais. Esperamos que vos gusten para o noso museo!

APERTURA DA BIBLIOTECA.

O venres, os nenos e nenas de terceiro, tivemos a presentación do proxecto do cole para este curso. A través do conto " O soño de Matías" a profe Noelia explicounos que todos e todas nos iamos converter en artistas e o noso cole será un museo cheo de arte. Estamos desexando empezar a crear!

TITORÍA ENTRE IGUAIS. TEI

Os nenos e nenas de terceiro de primaria tivemos a presentación na biblioteca do programa TEI. Este programa é unha estratexia formativa para fomentar a convivencia escolar e previr o acoso escolar no centro. Este curso, ademais, estamos moi ilusionados e ilusionadas porque xa podemos compartir no patio e nas aulas cos nosos titores e titoras de 5ºEP. Estamos desexando coñecer os nosos titores e titoras!