Hoxe celebramos a festa do Magosto e do Samaín e pasámolo moi ben. Neste vídeo podedes ver algunhas fotos das diferentes actividades que realizamos. Tamén tedes na web do cole un resumo en fotos e vídeo do día. Proximamente subirei as estupendas receitas saudables de outono que fixestes, Tamén vos deixo a ligazón para acceder ás fotos.
Pero aínda hai máis! Faltaba o photocall!
Hoxe por fin voltamos á biblioteca! Tivemos a presentación coa profe Mela, que nos ensinou como están organizados os libros e seccións e tamén lembramos as normas que temos que cumprir cando a visitamos. Este curso a nosa aula terá reservada unha sesión semanal, os xoves, para poder realizar actividades de animación á lectura e préstamo de libros. Ademais poderemos ir os martes na hora do recreo. O proxecto deste ano trata, como sabedes, de consumo responsable, polo que Mela amosounos o conto da Ra de tres ollos. Terceiro e cuarto de Primaria comezaremos investigando no primeiro trimestre sobre os oficios.
Reducir o consumo de plásticos, comprar produtos de tempada e da contorna máis próxima, para evitar a contaminación que supón o transporte, priorizar os produtos de orixe vexetal, ou comprar
o peixe pescado con anzó, son algunhas das recomendacións que aprendemos coa ruleta do consumo sostible. Aquí a tedes para que sigades practicando e aprendendo. A ver cantos puntos conseguides!
Pinchade na ligazón Ruleta do consumo sostible
Hoxe déixovos o vídeo que vimos na clase sobre a oración e unha ficha interactiva para que repasedes e practiquedes. Ánimo!
Hoxe tivemos a presentación do Programa TEI coa nosa orientadora Lucía. Trátase dun programa de convivencia para a prevención da violencia e o acoso escolar, baseado na titorización entre iguais. Este curso os alumnos e alumnas de 5º de Educación Primaria axudarannos na resolución de conflitos e na xeración de condutas saudables.
Eliximos o tema, escribimos o titular, contestamos que, onde, cando, engadimos outros datos de interese... e xa temos as nosas noticias de actualidade, reais ou inventadas. Podedes velas nesta presentación. Bo traballo!
Nesta ocasión é Carla a que nos amosa co seu experimento que a materia necesita o osíxeno do aire para arder. Parabéns!
Comezamos a repasar as táboas de multiplicar con estas fichas interactivas e uns xogos moi divertidos. Ánimo e adiante!
Este conto interactivo pon a proba os nosos coñecementos sobre consumo responsable. Segundo as decisións que vaiades tomando iredes avanzando na historia. Animádevos a superar todos os retos! Tamén podedes ver as pirámides de alimentación que deseñastes. Parabéns!
https://www.fundacionmapfre.org/contenidos/vivir-en-salud/tercer-cuarto-curso/cuento/cuento.html
Nesta ocasión son Iago, Vicky e Valeria os que comparten connosco os seus experimentos. Iago amósanos como se produce a condensación e a formación das nubes; Vicky explícanos o proceso de evaporación; e Valeria fai desaparecer unha moeda, non, non é un truco de maxia, senón o principio de refracción da luz. Canto estamos aprendendo! Fantástico, moitos parabéns!
Tamén Enzo nos explica moi ben co seu experimento cales son os estados da auga. Parabéns!
https://drive.google.com/file/d/1Xw7b5K-BoDDb6j36QlDkijXSVeN15sHM/view?usp=sharing
A evaporación é o cambio de estado elixido por Breixo para o seu experimento. A que o fixo xenial? Parabéns!
E Joao fainos unha excelente descrición do ciclo da auga e de todos os cambios de estado, con nube incluída. Fantástico traballo!
https://drive.google.com/file/d/1ZGjEmtCidCr6ZdFb8QxrG0AKFwGNEf-q/view?usp=sharing
Grazas, Lucía!
