Ola! Hoxe tivemos nova sesión de biblioteca e continuamos cos contacontos que tanto nos gustan. Nesta ocasión De que cor es ti? , unha reflexión sobre a diversidade e sobre a riqueza que supón a mistura de cores, identidades e persoas. E a semana pasada Ra de tres ollos, que nos sensibiliza sobre os danos producidos no medio ambiente polo consumo. Compartimos unhas fotos das dúas sesións. Parabéns!
xoves, 28 de abril de 2022
luns, 25 de abril de 2022
RECICLAMOS NA CASA
Ola! Despois de aprender no obradoiro como podemos reciclar o papel, nada mellor que seguir practicando. E iso é o que fixo o noso compañeiro Breixo, que quixo compartir connosco unhas fotos do proceso e tamén explicóunolo todo moi ben. Parabéns!
xoves, 21 de abril de 2022
OBRADOIRO DE RECICLADO DE PAPEL
Aquí vos deixo algunhas fotos, pero se queredes ver máis pinchade na ligazón:
venres, 8 de abril de 2022
ÁRBORES ESTILO KANDINSKY
Ola! Compartimos con vós as árbores estilo Kandinsky que fixemos a partires das nosas mans e engadindo círculos de cores. Quedaron chulísimas!
xoves, 7 de abril de 2022
LECTURAS
Xa rematamos a lectura colectiva do libro El club de los raros e gustounos moito a todos e todas. Hugo e Bernardo son dous nenos que o pasan bastante mal na escola porque un é tartamudo e outro disléxico, pero todo cambia cando deciden fundar un club para apoiarse e non sentirse sós. Así descubriron que todos son diferentes e especiais e que a unión fai a forza.
E aquí tedes un xogo do libro para ver o que sabedes dos seus personaxes:
Tamén continuamos coas sesións de contacontos na biblioteca.
Parabéns!
mércores, 6 de abril de 2022
PALABRAS BONITAS
Ola! Estes días na clase de Valores traballamos co conto La coleccionista de palabras, unha fermosa historia que podedes ver neste vídeo...
E entón chegou á nosa clase unha carta de Luna pedíndonos axuda para poder seguir repartindo palabras bonitas, palabras de paz e tolerancia que tanto se necesitan hoxe en día.
E claro, decidimos axudar a Luna e buscar palabras para a súa maleta...
Pero aínda non é suficiente... Se ti tamén queres axudar a Luna comparte connosco as túas palabras bonitas; podes engadilas nos comentarios ou envialas ao correo.
venres, 1 de abril de 2022
UNHA FELIZ VIAXE POLA VIDA
Para colaborar coa campaña do Día mundial de concienciación sobre o autismo, que se celebra o día 2 de abril, participamos no obradoiro de debuxo Unha feliz viaxe pola vida, que pon o foco de atención no dereito das persoas con TEA e as súas familias a ser felices. Así debuxamos o que significa para cada un de nós a felicidade e continuamos coa actividade que fixemos a semana anterior na que recollemos cada día algunha cousa que nos facía felices. Traballamos desta maneira o respecto ás diferenzas, a valoración da diversidade, a autoestima e o autoconcepto.
QUE COUSAS NOS FAN FELICES NO DÍA A DÍA