My selfie

 Hello kids, lo prometido es deuda. Aquí tenéis vuestros maravillosos selfies.

Well done!😄

SEGUIMOS A EXPERIMENTAR!

 Nesta ocasión son Iago,  Vicky e Valeria os que comparten connosco os seus experimentos. Iago amósanos como se produce a condensación e a formación das nubes; Vicky explícanos  o proceso de evaporación; e Valeria fai desaparecer unha moeda, non, non é un truco de maxia, senón o principio de refracción da luz. Canto estamos aprendendo! Fantástico, moitos parabéns!

Tamén Enzo nos explica moi ben  co seu experimento cales son os estados da auga. Parabéns!

E neste vídeo do orégano que se separa, Yago ensínanos como se pode romper a capa superficial da auga cun pouco de xabón; Isto tamén nos serve para comprender por que temos que lavar as mans con xabón ou xel se queremos apartar a suciedade e os virus. Parabéns!

https://drive.google.com/file/d/1Xw7b5K-BoDDb6j36QlDkijXSVeN15sHM/view?usp=sharing

 A evaporación é o cambio de estado elixido por Breixo para o seu experimento. A que o fixo xenial? Parabéns!

E Joao fainos unha excelente descrición do ciclo da auga e de  todos os cambios de estado, con nube incluída. Fantástico traballo!

 https://drive.google.com/file/d/1ZGjEmtCidCr6ZdFb8QxrG0AKFwGNEf-q/view?usp=sharing

VISITOUNOS A NOSA ORIENTADORA

 

 

 

Hoxe visitounos Lucía, a orientadora do cole, para lembrarnos cales son as súas función e darnos uns estupendos consellos para desfrutar deste curso: coidar a nosa "patata" interior e ser responsables coas aprendizaxes, a convivencia, o coidado do planeta e o consumo responsable. Tamén nos ensinou o conto Pequeñas cosas, co que aprendemos que axudando e deixándose axudar polos demais os nosos "monstros" van desaparecendo.

Grazas, Lucía!

 

 

A EXPERIMENTAR!

 Estamos a estudar a auga e o aire e as súas propiedades, e que mellor xeito de facelo que experimentando con eles. 

E aquí tedes ao noso compañeiro Marco, que nos amosa co seu experimento de flotación como o xeo flota na auga. Tamén o fará no aceite? Estade moi atentos á súa explicación. Parabéns, Marco!

 

Counting To 100

VIVIR EN SAÚDE

Estes días estamos aprendendo moitas cousas na clase de Ciencias da Natureza sobre alimentación  e saúde. Por iso vos propoño un reto que vos vai axudar dunha maneira moi divertida a saber máis. Pinchade no enlace e tentade resolver os retos deste escape room. Atrevédesvos?

https://www.fundacionmapfre.org/contenidos/vivir-en-salud/tercer-cuarto-curso/escape-room/escapefuente.html

BENVIDOS A ESTE NOVO CURSO!

Comezamos este novo curso de 3º de Primaria e a nosa andaina neste blog, no que iremos compartindo actividades, recursos e imaxes da nosa aula. E para darvos a benvida a familias e alumnado, déixovos as fotos do quebracabezas xigante que os nenos e nenas decoraron cos seus nomes e a súa creatividade. Así, aprendemos que todas e cada unha das pezas son importantes e especiais. Tamén podedes ver as súas fichas de presentación. Parabéns!