PLANTANDO ÁRBORES CON PINCEIS

O martes 18 de abril realizamos na biblioteca do centro unha actividade titulada "Plantando árbores con pinceis" dentro do programa de actividades de Afundación. O taller consistiu no pintado de bolsas de tea.

 ACTIVIDADE EN LIÑA CO CGAC

O venres 14 de abril os cursos de 3º e 4º de Primaria tivemos unha actividade en liña co Centro Galego de Arte Contemporáneo. A visita consistiu nunha presentación con imaxes dos diferentes espazos, montaxes e exposicións históricas do CGAC exemplificando a través dos múltiples soportes, miradas e discursos das obras da Colección CGAC os diversos xeitos de facer a arte actual. O obxectivo é achegar a arte aos centros educativos e estimular o interese das novas xeracións pola creación artística do seu tempo.

CRE-ARTE ESCULTURA

 Neste trimestre, dentro do proxecto Cre-Arte que estamos desenvolvendo este curso, realizamos moitas actividades relacionadas coa escultura.

Para rematar visitamos as salas do museo que cada aula preparou e gozamos coas explicacións dos nosos compañeiros e compañeiras. Nós tamén tivemos que realizalas! 

Aquí podedes ver un pouco de todo o que fixemos.

Vídeo resumo da actividade

Presentacións alumnado de 3º e 4º

Imaxes das nosas actividades

 ACTIVIDADES PROXECTO DE ARTE 2º TRIMESTRE

Aquí vos deixamos unha mostra do realizado na aula para o Proxecto de arte neste segundo trimestre que estaba adicado á escultura. Traballamos moito e velaí os resultados. 

 TEI: ENQUISA E ACTIVIDADE DE COHESIÓN 

Hoxe fixemos a enquisa sobre o programa TEI cos nosos titores de 5º. Fomos a súa clase e axudáronnos no que precisamos.

Despois sacamos as colchonetas ao patio e fixemos unha actividade de cohesión "Acrosport" na que fixemos diferentes letras e tamén figuras co noso corpo. Foi moi divertido e pasámolo xenial!

 TEI : A TÚA PRIMEIRA VEZ

Esta actividade do programa TEI traballa a importancia de que o alumnado sexa consciente de que o acceso ás novas tecnoloxías e dispositivos prodúcese desde idades moi temperás. É importante facerlles ver a necesidade de que coñezan os beneficios e tamén os riscos e perigos que se poden atopar en internet, os cales medran se non hai unha supervisión ou formación axeitada.

OS ECOSISTEMAS 3º A

Durante este trimestre traballamos os distintos tipos de ecosistemas. Aquí tedes unha mostra das maquetas que realizamos en pequenos grupos. 

Fai clic na imaxe para ver os nosos traballos