Hoxe por fin voltamos á biblioteca! Tivemos a presentación coa profe Mela, que nos ensinou como están organizados os libros e seccións e tamén lembramos as normas que temos que cumprir cando a visitamos. Este curso a nosa aula terá reservada unha sesión semanal, os xoves, para poder realizar actividades de animación á lectura e préstamo de libros. Ademais poderemos ir os martes na hora do recreo. O proxecto deste ano trata, como sabedes, de consumo responsable, polo que Mela amosounos o conto da Ra de tres ollos. Terceiro e cuarto de Primaria comezaremos investigando no primeiro trimestre sobre os oficios.
Estas semanas estamos compartindo na clase algúns dos nosos libros favoritos; traballamos nas súas portadas e deseñamos uns marcapáxinas de esquina moi creativos. Esperamos que vos gusten!
Ningún comentario:
Publicar un comentario