Hoxe asistimos a un obradoiro lúdico realizado por Augas de Galicia, dentro da campaña de concienciación sobre inundacións por desbordamento de ríos, xa que o noso centro escolar está situado nunha zona especialmente vulnerable.
Aprendemos como funciona a natureza que nos arrodea, especialmente os ríos e as súas enchentes e coñecemos como as nosas accións poden influír no seu comportamento.
A través da protagonista da campaña, a pinga de auga, fomos comprendendo diferentes aspectos das inundacións e puidemos intercambiar impresións e experiencias sobre o tema e sobre o Río Maior de Sada.
Tamén realizamos un experimento para ver a importancia que ten a vexetación na contorna dos ríos.
Podedes ver as fotos da actividade pinchando na imaxe
Ningún comentario:
Publicar un comentario