Como todos os anos, Lucía, a nosa orientadora veu a presentarse e a contarnos unha historia especial para facernos pensar sobre a importancia de ser nós mesmos. Tamén para darnos algún que outro consello que nos virá de moi neste curso escolar.
Explicounos a importancia de saber como nos sentimos e que se algunha vez precisamos falar con ela, sempre sempre está á nosa disposición.
Esta fin de semana pasada Roi levou a mochila viaxeira e puido compartir coa súa familia moitas aventuras e tamén conversas moi interesantes. Roi, ademáis, agasállanos cun debuxo do conto que máis lle gustou.
Con moita emoción por parte do alumnado, este venres pasado arrancou o programa TEI coa presentación dos titores e titoras de 5º aos seus titorizados e titorizadas de 3º. O alumnado de 5º foi recoller aos seus titorizados á biblioteca e dspois fixeron unha actividade conxunta para coñecerse un pouco e saber as cousas que teñen en común.Foi emocionante e divertido!
O venres, os nenos e nenas de terceiro, tivemos a presentación do proxecto do cole para este curso. A través do conto " O soño de Matías" a profe Noelia explicounos que todos e todas nos iamos converter en artistas e o noso cole será un museo cheo de arte. Estamos desexando empezar a crear!
Os nenos e nenas de terceiro de primaria tivemos a presentación na biblioteca do programa TEI. Este programa é unha estratexia formativa para fomentar a convivencia escolar e previr o acoso escolar no centro. Este curso, ademais, estamos moi ilusionados e ilusionadas porque xa podemos compartir no patio e nas aulas cos nosos titores e titoras de 5ºEP. Estamos desexando coñecer os nosos titores e titoras!
