DÍA CONTRA O ACOSO ESCOLAR

 Ola! Hoxe é  o Día contra o acoso escolar e no cole realizamos varias actividades para conmemoralo. Todos os cursos puidemos desfrutar do concerto A voar! da Orquestra Pantasma, que conta a historia da pequena Xoana, quen emprende unha longa viaxe que fará mudar a súa vida, amosándonos que só a través dos valores universais seremos quen de mellorar. E vaia se voamos todos e todas, como podedes ver neste pequeno vídeo e pinchando na ligazón. Pasámolo xenial!

Concerto A voar!

 Tamén vimos a presentación que tedes publicada no blog de orientación con recursos e un resumo das actividades realizadas no centro contra o acoso escolar. 

Aquí podedes ver o vídeo resumo:

 

              

E ademais tivemos unha sesión moi divertida co xogo de valores contra o acoso escolar que preparou a profe Oliva coa axuda da nosa clase. Moitas grazas e parabéns!

Foi un día estupendo para recibir  á nosa nova compañeira, Alejandra, que se incorporou hoxe á nosa clase. Entregámoslle un agasallo cos debuxos e mensaxes dos seus compañeiros e compañeiras. Benvida!